Kome se još nije desilo da mu se slučajno pri pranju ne smanji i džemper? Sada ne morate da se rastajete od njega jer postoji caka da ga vratite u prvobitno stanje.
Kada džemper strpate u mašinu i pritom podesite pranje na višoj temperaturi, možete samo da se oprostite od njega. Tako je barem bilo do sada, ali sada više to nećete morati da radite jer postoji caka da tu grešku ispravite.
ŠTA URADITI?
Trik je više nego jednostavan – u kadu, lavor, lavabo, šta god vam je po volji, sipajte toplu vodu i dodajte dvije kašike regeneratora za kosu ili dječjeg šampona. Dobro promješajte a onda unutra ubacite džemper i pustite ga da stoji neka dva sata. Potom ispustite vodu, ali nemojte da ispirate džemper, već pustite da regenerator i dalje stoji na vlaknima.
Potom ga zamotajte u suvi peškir kako biste odstranili višak tečnosti i krenite da vrlo lagano i nježno rastežete tkaninu. Pazite da ne pretjerate da vlakna ne bi popucala. Kada dođete do željene veličine, pustite da se suši na vazduhu.